Juventus fitoi 4-1 ndaj Udinese, në një ndeshje ku trajneri Allegri kishte hedhur pothuajse të gjithë lojrarët e stolit dhe titullarët i la pushim për ndeshjen e kthimit kundër Atletico Madrid për Champions League.
Përveç fitores, në sy ra edhe talenti 19-vjeçar, Moise Kean, i cili shënoi dy golat e parë të ndeshjes. Madje të parin e shënoi në prekjen e parë të topit.
Përveç golave, talenti tregoi se ka teknikë të lartë në kontrollin e topit. Kean e ndali në mënyrë spektakolare një top të gjatë që po shkonte në drejtim të tij, duke vërtetuar se nuk e ndjen presionin, sidomos pas dy golave të shënuar.