Bekim Balaj ka shënuar golin e barazimit për skuadrën e Akhmat Grozny në sfidën ndaj Ural. Sulmuesi i kombëtares sonë nuk ka gabuar nga pika e bardhë e penalltisë, duke e çuar topin në rrjetë, dhe zhvlerësoi golin e skuadrës mike, që e shënuan në pjesën e parë.
Për Balajn ky është një çlirim, pasi shkodrani nuk ka arritur të shënojë asnjë gol këtë sezon në kampionatin rus. Ndërsa realizimi i tij i vetëm është në shtator të vitit të shkuar në një ndeshje për kupë, ndërkohë që në kampionat ka shënuar në maj të vitit 2017.
