Trajner i Kaiserslautern në Bundesligën e Dytë gjermane, Jeff Strasser, ka pësuar një infarkt në zemër gjatë ndeshjes kundër Darmstadt.
Ambulanca u fut menjëherë në fushë, në fundin e pjesës së parë, duke i dhënë ndihmën e parë 43-vjeçarit, që shkoi menjëherë në spital.
Për këtë arsye ndeshja është shtyrë dhe nuk është caktuar ende se kur do të luhen 45 minutat e mbetura.
Ndërkohë, gjendja e trajnerit mbetet ende kritike.
