Silvio Berlusconi, ish-presidenti i Milanit, që tashmë është te Monza, është pyetur në lidhje me derbin ndaj Interit, ditën e dielë, ora 20:30. Kuqezinjtë janë 1 pikë larg Interit në renditje dhe kanë shansin të largohen edhe më shumë, nëse fitojnë.
“Cavalieri” ka një ide të vjetër, të cilën e këshillon sërish në skemat e Gattusos.
“Nuk e di se cila skuadër do të fitojë derbin, por nëse Milani luan me Suson pas dy sulmuesve, me siguri do të fitonte dhe madje me disa gola avantazh”.
Këshillës së Silvios i është përgjigjur Gattuso, që u shpreh se “këshillat e presidentit i dëgjoj gjithmonë dhe respektoj, por do të vendos vetë unë”.
