Sipas të përditshmes spanjolle “El Mundo Deportivo”, mbrojtësi 20-vjeçar holandez Matthijs De Ligt dëshiron të luajë në La Liga sezonin tjetër. Mbrojtësi që aktivizohet me skuadrën e Ajax ia ka shprehur këtë dëshirë edhe menaxherit të tij Mino Raiola.
Dhe skuadra e përzgjedhur nga De Ligt është Barcelona, ku dy muaj më parë ka firmosur edhe shoku i tij i skuadrës, 21-vjeçari Frenkie De Jong. Një lajm që ka lënë duarbosh shumë nga skuadrat e tjera pretendente për të marrë talentin e ardhshëm folandez.
Për De Ligt janë në garë edhe Atletico Madrid, Manchester City, PSG dhe Juventus. Madje bardhezinjtë dukeshin në “pole” për ta marrë lojtarin, teksa kishin edhe mbështetjen e menaxherit të tij Raiola.
Mbrojtësi 20-vjeçar ka një kontratë deri në vitin 2021 me Ajax, por me 99% ai do të largohet nga skuadra holandeze në merkaotn e verës. Tashmë i takon Raiola të nisë një ankand për të gjetur skuadrën që paguan më shumë për lojtarin.
