Po luhet në Gjirokastër sfida mes Luftëtarit dhe Skënderbeut e vlefshme për javën e 25-të të Kategorisë Superiore. Vendasit vijnë në këtë përballje pas humbjes në transfertë ndaj Kukësit me rezultatin 3-0, ndërkohë që javën e 24-t qëndruan pushim për shkak të përjashtimit të Kamzës, duke siguruar 3 pikë në tavolinë. Në 25 javë kampionat ekipi i Ahmatajt ka arritur të sigurojë 28 pikë, duke u pozicionuar në vendin e 8-të, me një diferencë +4 pikë nga Kastrioti i vendit të parafundit.
Nga krahu tjetër korçarët vijnë me moral të shkëlqyer pas triumfit në shtëpi ndaj Kukësit me rezultatin 1-0. Skuadra e Orges Shehit do të kërkojë një tjetër sukses në kampionat, për të siguruar një vend në Kupat e Europës, me shpresën se klubi korçar do të fitojë betejën në KAS për sa i përket dënimit 10 vjeçar nga UEFA.
Nuk mungojnë surprizat në formacionet zyrtare. Te gjirokastritët rikthehet Albano Aleksi, ndërkohë që Shehi i ka besuar qendrën e mbrojtjes mesfushorit Dita, për shkak të problemeve personale të Marko Radas, i cili ka udhëtuar drejt Kroacisë dhe nuk është i gatshëm për sfidën e sotme. Nga minuta e parë është preferuar edhe mesfushori Zani Kurti si dhe sulmuesi Oto Xhon.
LIVE| LUFTËTARI-SKËNDERBEU 0-0
KOMENTI LIVE:
20′ Fili provon me një harkim nga krahu i majtë, top shkon drejt e në duart e portierit Dajsinani.
14′ Skënderbeu provon të rrezikojë me një kundërsulm. Oto Xhon avancon bukur nga e djathta, por gabon në momentet e fundit në finalizim, duke e dorëzuar topin në duart e portierit Ruçi.
10′ Mundësi e mirë për Luftëtarin, por Dunga nuk arrin të përfitojë brenda zonës, duke u bllokuar menjëherë nga mbrojtësit e Skënderbeut.
5′ Luftëtari fiton goditjen e parë nga këndi. Kroson Demo nga e majta, por largon me kokë Zani Kurti.
3′ Ndeshja nis e qetë! Të dy skuadrat qarkullojnë topin në mesfushë pa rrezikuar në portat kundërshtare.
1′ Ka startuar takimi.