Lionel Messi ka barazuar rekordin e Iker Casillas për numrin e fitoreve të arritura n ë La Liga dhe portieri i Porto-s i ka bërë komplimentet yllit të Barcelona-s.
Casillas ka thënë se Messi i ka merituar 334 fitoret e arritura në kampionatin spanjoll. “Do të më kishte pëlqyer të kishte që një lojtar i Real-it, por këto rekorde janë bërë për t’u thyer dhe ai ka bërë një punë të mrekullueshme”, ka thënë Iker për “Marca”.
Gjithsesi, Casillas beson se edhe rekordi i Messi-t do të thyhet në të ardhmen: “Jam i bindur se dikush do ta kalojë totalin e fitoreve të tij”.
