Ish-mesfushori i Kombëtares, Ervin Skela, mund të jetë trajneri i ri i skuadrës gjermane, Hesen Draish që militon në ligën e katërt. Lajmi bëhet i ditur nga “op-online.de”, teksa zbulohet se vlonjati është i preferuara i drejtuesve për të marrë drejtimin e skuadrës, që momentalisht gjendet në pozita tepër të vështira dhe rrezikon rënien nga kategoria.
Skela është aktualisht trajneri i ekipit U17 të këtij klubi, i cili është filial i akademisë së Eintraht Frankfurtit dhe me shumë gjasa këtë fundjavë do të jetë ai që do të drejtojë skuadrën në përballjen ndaj Mainz 2.
Trajneri i mëparshëm dha dorëheqjen ditën e hënë, pas humbjes të thellë 5-0 në kampionat, teksa klubi është duke kërkuar një trajner të ri deri në fund të sezonit. Një mundësi e artë për ish-fantazistin e Kombëtares, për të treguar vlerat si trajner në ligën e katërt gjermane, duke hedhur një hap të rëndësishëm në karrierën e tij.
