Te Milani nuk ka më vend për gabime, nëse dëshiron të arrijë një vend që dërgon në Ligën e Kampionëve.
Kuqezinjtë kanë patur rezultate negative në ndeshjet e fundit, duke humbur me Interin në derbi, me Sampdorian në transfertë dhe së fundi barazuan 1-1 me Udinesen në “San Siro”.
Dy ndeshjet e radhës së Milanit mund të jenë vendimtare për synimin e tyre për të arritur Ligën e Kampionëve.
Milani këtë fundjavë udhëton drejt Torinos për t’u takuar me Juventusin, ndërsa në ndeshjen e radhës pret Lazion, që po ashtu po kërkon një vend në Champions.
Pas 30 javëve të Serie A, Milani renditet në vendin e katërt me 52 pikë, katër më shumë se Atalanta dhe Lazio, që kanë nga 48 pikë.
