Trajneri Massimiliano Allegri rrezikon të mos ketë ditën e mërkurë, në ndeshjen e Champions League ndaj Ajax, mesfushorin Emre Can. Ai u dëmtua në ndeshjen ndaj Milanit dhe u zëvendësua në minutën e 26-të.
Mësohet se 25-vjeçari gjerman kë pësuar një dëmtim në kavilje, çka detyroi trajneri ta zëvendësojë, me shpresën që të jetë gati për sfidën ndaj Ajax. Gjithsesi, stafi mjekësor i klubit juventin shprehet se prania e Emre Can ndaj Ajax është në dyshim, pasi ka një ndrydhje të këmbës.
“Ka një ndrydhje të këmbës, por është një situatë pak delikate. Shpresoj që dëmtimi të jetë i lehtë, por do të shohimm se si do të shkojnë gjërat deri ditën e ndeshjes”, tha Allegri. Vendin e Emre Can në fushën e lojës e zuri patrioti i tij Sami Khedira.
