Tottenham ka fituar 1-0 çerekfinalen e parë të Champions League të luajtur në shtëpi kundër Manchester City-t. Kjo ka qenë përballja e 157-të mes këtyre dy skuadrave në të gjitha kompeticionet, por e para në Europë.
Kanë qenë dy heronjtë e londinezëve në mbrëmjen e sotme: Lloris, i cili ka pritur penalltinë e Sergio Aguero-s në minutën e 13-të, dhe Son, autori i golit që ka vendosur ndeshjen në minutën e 79-të.
Një fitore e rëndësishme për skuadrën e Pochettino-s, por që ka patur një shije të hidhur, duke parë se në minutën e 55-të “Spurs” kanë humbur Harry Kane, i cili ka qenë i detyruar të largohet nga fusha për shkak dëmtimi.
Ndeshja e kthimit do të zhvillohet 17 prillin e ardhshëm në “Etihad Stadium”.
