Ivana Icardi, motra e ish-kapitenit të Interit, Mauro Icardi, shfrytëzoi avantazhin e hyrjes në “Big Brother” e Italisë (“Grande Fratello”) për ta sulmuar drejtpërdrejt dhe ashpër Wanda Nara: “Nëse Mauro nuk do të ishte futbollist, ajo kurrë nuk do të kishte qenë me të“.
Pra, që kur u bë pjesë e shfaqjes së famshme televizive, Ivana e bëri të qartë se ka një problem të vazhdueshëm me partneren e vëllait të saj: “Nuk dua që edhe armiku im më i keq të ketë një mendje të tillë në familje. Ky është një konflikt familjar. Ajo bën sikur nuk sheh e nuk dëgjon, dhe nuk flet. Do të doja që të jetë këtu para meje, të më tregojë disa gjëra, që ende nuk m’i ka thënë”.
Pas paraqitjes së Ivana në “Grande Fratello”, Wanda goditi menjëherë, pasi ndau një status për 5 milionë ndjekësit e saj në Instagram: “Jeta tregon gjithmonë se kush të ka përdorur për interesin e tij dhe kush për përfitime ekonomike”. Megjithatë, pasi u bë “viral” si status, ajo e zëvendësoi tekstin me një “emoji” të flamurit të Argjentinës.
