Është duke u luajtur në Laç sfida mes vendasve të Sulejman Starovës dhe Skënderbeut. Një përballje tepër vendimtare për Ligën e Europës. Korçarët e Orges Shehit vijnë në këtë përballje pas triumfit në shtëpi ndaj Kastriotit, ndërkohë që kurbinasit u mposhtën në transfertë ndaj Luftëtarit.
Skënderbeu është në vendin e katërt me 43 pikë, ndërsa Laçi është në vendin e gjashtë me 41 pikë. Starova ka surprizuar me formacionin që ka rrështuar duke ulur në stol Mane, ndërsa Shehu i ka lënë mënjanë befasitë në 11-shen titullare.
LIVE| LAÇI-SKËNDERBEU 1-0
Shtubina 30′
KOMENTI LIVE:
60′ Pranë golit të barazimit Skënderbeu. Tjetër pritje spektakolare e Selmanit, i cili i mohon golin mbrojtësit Kaba Sambou.
55′ Momente tensioni në Laç. Tifozët godasin me sende të forta mbrojtësin e Skënderbeut, Kristi Vangjeli, ndeshja ndërpritet për disa minuta.
53′ Gjuan Dejvi Bregu, pret portieri Selmani. I pakalueshëm gardiani i Laçit. Zgjatje fantastike e kapitenit kurbinas që i mohon golin e barazimit Skënderbeut.
52′ Penallti për Skënderbeun. E fiton mbrojtësi Kristi Vangjeli pas një dueli me futbollistin e Laçit Sefgjinaj.
47′ Pranë golit Skënderbue me anë të sulmuesit Krasniqi. Pas një harkimi nga e djathta, Krasniqi godet bukur brenda zonës, por fluturon portieri Selmani, që i mohon një gol të sigurt korçarëve.
