Pas humbjes së Milanit nga Lacio, mbrëmjen e djeshme, kuqezinjve u shtohet dhe një hall tjetër.
Davide Kalabria, mbrojtësi i krahut të djathtë pësoi ditën e djeshme një dëmtim gjatë ndeshjes, që nuk i lejon më atij të vazhdojë sezonin.
23-vjeçari duhet të qëndrojë 2 muaj larg fushave dhe kështu sezoni për të ka marrë fund. Gatuzo tashmë do të luajë me Kontin në vendin e tij, një futbollist që vjen pas një dëmtimi të gjatë.
Kalabria ishte ndër më të mirët në ndeshjen e djeshme, ku gjuati dhe portën, por Strakosha i mohoi festën e golit.
