Bisedimet mes Romës dhe Antonio Contes kanë hasur në pengesë, për shkak të trajnerit italian i cili është duke pritur të shohë nëse lirohet pozita e trajnerit të Manchester Unitedit.
Ish-trajneri i Chelseat konfirmoi se është i gatshëm t’i rikthehet punës dhe po i konsideron disa propozime të ndryshme.
Inter, Milan, Juventus, Bayern Munich dhe PSG-ja janë përfolur si destinacione të mundshme të tij, por deri tani Roma ka dalë të jetë pretendenti kryesor për të.
Drejtori sportiv i Romës, Francesco Totti dhe trajneri në detyrë Claudio Ranieri sugjeruan se bisedimet mes klubit dhe Contes kanë shënuar përparim këtë fundjavë.
Por, Sunday Express pohon se Conte i ka bllokuar bisedimet për shkak se po synon ta marrë drejtimin e Manchester Unitedit.
Ole Gunnar Solskjaer ka nënshkruar kontratë me Unitedin para pak muajsh pas formës së lartë pasi e mori drejtimin e skuadrës pas shkarkimit të Jose Mourinhos.
Por, shtatë humbje në nëntë ndeshjes e fundit që prej atëherë, kanë bërë që e ardhmja e tij të vihet në dyshim.
