Trajneri i Laçit, Sulejman Starova, foli pas humbjes me Tiranën 1-3, deklaroi:
Çfarë nuk funksionoi sot? Pësuat 3 gola sot?
Pësuam 3 gola, se kërkonim fitoren me çdo kusht. Kishim dy mundësi për të kaluar anën psikologjike për ne. Selmani na dha mundësi që pas pritës së penalltisë, të krijonim rastin për gol. Nuk e kthyem në favorin tonë. Ne nga tensioni i fitores me çdo kusht. Kam parë gabime që nuk i kam parë ndonjëherë, në aksionet e Tiranës. Bëmë përpjekje në pjesën e dytë, nxorëm një gol, por nuk e vazhduam dot presionin për ta barazuar, dhe për të pasur shpresë edhe për të fituar. Tirana e menaxhoi mirë.
Loja ndryshoi kur nxorrët para Shtubinën…
Siç e thatë dhe ju, pjesa e parë, Maneja u përpoq të lëvizë, por bëmë gabime fillestare të fillimit. Patëm mundësi. Ne donim fitore, kurse Tirana e shfrytëzoi atë rast që kishte. Edhe pika i bënte punë. Ne humbëm shanse edhe për të barazuar. Më pas, humbëm edhe penalltinë. Të luash aq lart, duhet të jesh i saktë.
Trajneri i fundit që i keni shpallur të kuqtë kampionë. Do festoni sot me Partizanin?
Ndoshta në ditët që vijnë, jo sot, se kam mërzitjen e kësaj ndeshje sot. Do kem kohë edhe t’i uroj.
Ku mendoni se gaboi Laçi, që nuk është në grupin e ekipeve për Europë?
Praktikisht, sot është java e parafundit, dhe ne kemi qenë deri në fund për Europë. Ka pasur konkurrencë. U rrit Korça, u rrit Teuta, konkurrencën e pati deri në fund. Kemi qenë të pafat në marrjen e disa lojtarëve në janar. Nga 6 vetë, nuk arritën dot të kapin formacionin, sepse do ishte më ndryshe. Në përgjithësi, lojtarët që ngelën bënë ndeshje të mira. Kemi qenë edhe pa fat në disa takime.