20 maj 2018, stadiumi “Olimpico” i Romës. Minuta e 81-të. Brozoviç nga goditja e këndit. Kroson, dhe Vesino shënon në portën e Lacios, duke çuar shifrat në 3-2, dhe Interi shkon në Champions League, teksa të dy rivalët luftonin për vendin e fundit në grupet e Ligës së Kampioneve.
26 maj, 2019, stadiumi “San Siro”. Minuta e 81-të. Vesino kërkon golin e dytë për Interin ndaj Emolit. Lëshon një goditje nga jashtë zone, por topi stampohet në shtyllë, dhe kthehet tek Naingolan, dhe belgu nuk e ka të vështirë të çojë në delir të 70-të mijë të pranishmit në tribuna.
Është fiks 1 vit më vonë, ose më saktë 371 ditë më pas, dhe Interi vendos në të njëjtën minutë, në ndeshjen e fundit, kualifikimin për në zonën Champions. Një nga protagonistët kryesorë, sërish ai, Matias Vesino.
PANORAMAS
