Një lojtar bejsbolli gjatë ndeshjes shkaktoi një incident, teksa topi i gjuajtur prej tij “fluturoi” te tifozët, duke goditur një vajzë 4-vjeçare.
Vajza e vogël u dërgua menjëherë në spital për të marrë ndihmën e duhur mjekësore, ndërsa lojtari shpërtheu në lot në mes të fushës.
Mediat amerikane raportojnë se topi i goditur nga bejsbollisti Albert Almora i Chikagos “fluturoi” për rreth 50 metra dhe për 1.2 sekonda goditi vogëlushen me një shpejtësi rreth 145 km/h. Incidenti bëri që ndeshja të ndërpritej dhe Almora shkoi në spital për të vizituar vogëlushen, e cila duket jashtë rrezikut për jetën.
