Trajneri i Kombëtares, Edi Reja, foli pas humbjes ndaj Islandës duke u shprehur:
Të vjen keq të humbasësh një ndeshje të tillë?
Po! E nisëm mirë. 20 minutat e para e nisëm mirë. Krijuam disa raste. Fituam një lloj superioriteti të lojës. Mund të kishte 1 penallti ose 2. Ekipi u mundua të bëntë një lojë shumë të mirë. Është për të ardhur keq, krijuam disa raste. Edhe ai rasti i fundit me Hysajn, mund të ishte penallti.
Goli i pësuar…
Pavarësisht aftësive të dukshme të sulmuesit, ne nuk duhet ta lejonim që ai të kalonte në atë mënyrë.. Ishte një pamjaftueshmëri e jona si dhe një aftësi e tij.
Zëvendësimet…
Ajo që tentova me ndryshime, ishte ti jepja një rritëm më të shpejtë loja. Doja të shfrytëzoja aftësitë e Kaçes. Patëm disa raste që mund t’i shfrytëzonim akoma më mirë, por nuk ia dolëm.
