Borussia Dortmundi ka arritur marrëveshje për ta transferuar sulmuesin e Chelseat, Michy Batshuayi, si huazim për pjesën e mbetur të sezonit.
Batshuayi pritet t’i kryejë testet mjekësore sot gjatë ditës, raporton BBC, përcjell Express.
Kjo marrëveshje do ta përshpejtojë blerjen e sulmuesit Pierre-Emerick Aubameyang nga ana e Arsenalit, për të cilin Dortmundi ka njoftuar se do ta lejojë të ikën vetëm nëse e gjen zëvendësuesin e tij.
Në anën tjetër, Chelsea pritet të nënshkruajë me Olivier Giroud nga Arsenali për ta zëvendësuar Batshuayi.
Në Gjermani, afati kalimtar i janarit mbyllet sot 18:00.
