Arrestimi i ish-presidentit të UEFA-s, Michel Platini mund të sjellë zhvendosjen e vendit ku do të zhvillohet Kampionati Botëror i vitit 2022
Kështu së paku pretendojnë kompanitë e basteve, që kanë ulur dukshëm kuotat që evenimenti më i madh në futboll pas 3 vitesh do të zhvillohet në Angli.
Megjithatë, kjo gjë ka pak shanse të ndodhë sidomos pas shpenzimeve “faraonike” që ka bërë shteti i Katarit, për të ndërtuar infrastukturën dhe stadiumet e nevojshme.
Michel Platini është arrestuar si pjesë e një hetimi mbi korrupsionin dhe favorizimin e ofertës për të organizuar Kupën e Botës në Katar
Ish-presidenti i UEFA-s, u kap si pjesë e një hetimi të vazhdueshëm mbi manipulimin e pretenduar të votave që i dhanë të drejtë Katarit të organizojë Kupën e Botës 2022.
