Atletiko Madrid është në kërkim të një mesfushori për të zëvendësuar Rodrigo i cili eshte shumë afër Mançester Sitit.
Xhovani Simeone ka hedhur sytë nga mesfushori i Arsenalit, Granit Xhaka. Sipas “The Sun” madrilenët janë gati të ofrojnë rreth 36 milionë euro për kartonin e shqiptarit.
Drejtuesit e Arsenalit dhe veçanërisht trajneri Unai Emeri duan me çdo kusht ta mbajnë lojtarin dhe nuk do të lejojnë që ai të largohet.
27-vjeçari ka zhvilluar një sezon të mirë më “Topçinjtë e Londrës” ku është aktivizuar në 40 ndeshje dhe ka shënuar 4 gola. Gjithashtu ai ka dhënë dhe një kontribut shumë të madh në mbrojtje ku në shumicën e rasteve ka qenë ai shkatërruesi i aksioneve kundërshtare.
