Andre Silva është një nga emrat më të përfolur për tu larguar nga Milani në këtë merkato.
Pas huazimit një vjeçar tek Sevija, të cilët nuk e ushtruan të drejtën e blerjes, portugezi është kthyer përsëri tek Milani. Sipas asaj që shkruan “Calciomercato”, për 23-vjeçarin kanë shfaqur interes skuadrat turke, si Fenerbahçe dhe Beshiktash.
Në rast shitje drejtuesit kuqezinj nuk kanë ndërmend ta lënë të lirë lojtarin, për një shumë më të vogël se ajo që e blenë nga Porto, e cila ishte 38 milionë euro. Gjigandët turq interesoheshin edhe për sulmuesin e Kosovës, Vedat Muriqi por, mesa duket tani kanë ndërruar objektiv, teksa kanë hedhur “grepat” për portugezin e Milanit.
