Alisson Becker është i pakalueshëm. Portieri i Brazilit rezultoi sërish vendimtar në gjysmëfinalen e Kupës së Amerikës dhe kundër Argjentinës e mbajti portën të paprekur.
Në ndihmë i erdhën edhe dy shtyllat, por edhe pritjet e tij ishin të jashtëzakonshme.
“Seleçao” është skuadra e vetme që nuk ka pësuar gol në këtë kompeticion, por portieri ka shifra akoma më të jashtëzakonshme, nëse llogarisim edhe ndeshjet e kampionatit anglez.
Janë 9 ndeshje në total që nuk pëson gol dhe ka arritur 846 minuta.
I fundit që i ka shënuar është Rondon, më 4 maj, në ndeshjen Liverpool-Newcastle.
Ai vazhdon të jetë makthi i Lionel Mesit, pasi 2 sezone radhazi e ka eliminuar nga Liga e Kampioneve dhe tani e nxjerr jashtë Kupës së Amerikës.
Nëse Brazili ndodhet në finale, një meritë të madhe ka gardiani i Liverpoolit.
