Alberto Moreno është larguar nga Liverpuli, për të nisur një aventurë të re në kampionatin spanjoll.
Prej 30 qershorit Moreno ishte një lojtar i lirë, sepse i kishte përfunduar kontrata me Liverpuli. Ai vendosi të mos rinovojë me aglezët, për shkak se dëshironte një ekip ku të kishte më shumë minuta për të luajtur.
Ditën e sotme ai është zyrtarizuar tek Vijareali, ku do të ketë më shumë mundësi për tu aktivizuar.
27-vjeçari luante tek Liverpuli prej plot 5 sezonesh, ku ka zhvilluar 141 ndeshje dhe ka shënuar 3 gola. Mbrojtësi do të kthehet në kampionatin spanjoll, ku më parë është aktivizuar për Sevijan.
