Pas dështimit në Champions, Partizani pëson tjetër humbje shokuese edhe në turin e dytë të Europa Leagues.
Sheriff Tiraspoli fitoi me rezultatin 1-0 përballë kampionëve të Shqipërisë, ndërsa në sy binte loja e dobët e të kuqve.
Goli i vetëm i takimit erdhi në minutën e 23’ ku pas një goditje të fuqishme nga hyrja e zonës, Alban Hoxha grushton topin. Sulmuesi Robert Tambe nuk e kishte të vështirë që topin ta çonte në fundin e rrjetës.
Vlen të theksojmë që të dy skuadrat zhvilluan një nivel loje të dobët me pasa të gabuara dhe me pak raste për shënim.
Partizani ka probleme me repartin e sulmit pasi në tre ndeshjet e Europës nuk ka shënuar asnjë gol.
Ky rezultat favorizon skuadrën e njohur moldave që javën e ardhshme pret Partizanin në sfidën vendimtare për kualifikim.
