Kevin Prince Boateng u rikthye te Sassuolo, pas një eksperience 6-mujore te Barcelona, ku luajti shumë pak, ndërsa menjëherë në drejtim të tij ka ardhur një ofertë joshëse nga Eintrachti i Frankfurtit në kampionatin gjerman.
Sulmuesi ganez duket i joshur nga mundësia për t’u transferuar në Bundesligë, por së fundi i ka dalë një pengesë, që rrezikon të mos lejojë realizimin e këtij operacioni. Bëhet fjalë për Melissa Satën, ish të dashurën e tij, e cila është afruar sërish me sulmuesin ganez.
Kjo e fundit ka shkuar në shtëpinë e Boateng shpesh, ndërsa merr lule në mënyrë të vazhdueshme nga futbollisti, por nëse ganezi largohet nga Italia, atëherë do të jetë e pamundur të imagjinohet një rikthim i romancës mes të dyve.
