Pasditen e sotme është zhvilluar edicioni i radhës i “Emirates Cup”.
Arsenali priste në stadiumin e tij, Lyonin. Ata që triumfuan në fund ishin francezët me rezultatin 1-2.
Të parët që kaluan në avantazh ishin “Topçinjtë”, falë golit të sulmuesit Aubameyang në minutën e 35-të.
Me avantazhin e Arsenalit u mbyll edhe pjesa e parë, ndërsa në fraksionin e dytë të lojës, Lyoni gjeti mënyrën për të reaguar.
Francezët fillimisht rivendosën ekuilibrat falë golit Dembele në minutën e 67-të.
Ndërkohë, pas pak çastesh, Dembele realizoi edhe golin e avantazhit.
Edhe pse skuadra e drejtuar nga trajneri Unai Emery provoi deri në fund për të ndryshuar rrjedhën e lojës, sërish nuk ia doli, teksa Lioni mbrojti epërsinë deri në fund, ndërsa u shpall fitues i “Emirates Cup”.