Blaise Matuidi po kërkon largimin nga Juventusi.
Mesfushori francez është i interesuar për një transferim te Manchester United.
Sipas ‘Corriere di Torino’ Matuidi ka bërë kërkesë që të bashkohet me ‘Djajtë e Kuq’ të cilët prej kohësh janë në kërkim të një përforcimi të nevojshëm në repartin e mesfushës.
Matuidi nuk ka hapësirë të mjaftueshme te kampionët e Serisë A dhe dëshiron që të sfidojë veten në Premier League.
Nëse Pogba largohet drejt Real Madridit, atëherë Matuidi pritet të zëvendësojë bashkombasin e tij në “Old Trafford”.
