Mario Manxukiç vazhdon që të marrë një mori me oferta, por pas asaj të Borusias së Dortmundit nga Gjermania ose atyre të ardhura nga klube të ndryshme kineze apo së fundmi edhe nga Mançester Junajtid, dje ka qenë një pretendente e re që ka dalë në skenë për kroatin e Juventusit.
Sipas asaj që raporton “L’Equipe”, PSG-ja ka bërë dje një tentativë të parë për 33-vjeçarin, por oferta e parë nga ana e drejtorit sportiv, Leonardo, është vlerësuar si qesharake nga ana e Juves, duke parë vetëm 15 milionë eurot e vëna në dispozicion.
Gjithsesi, në ditët në vazhdim dhe ende me një muaj tjetër kohë përpara, ndoshta mund të ketë një tjetër ofertë nga francezët për Manxukiçin.
