Ngolo Kante është një nga lojtarët më të mirë të Çelsit, por edhe të kombëtares franceze.
Kohët e fundit është folur se për 28-vjeçarin ka shfaqur interes PSG-ja, të cilët e duan në skuadrën e tyre. Trajneri i parizienëve, Tomas Tuhel, është një simpatizant i madh i mesfushorit, dhe ia u ka bërë të qartë drejtuesve, se e do nën urdhrat e tij.
Në këto kushte drejtuesit e PSG-së, kanë filluar kontaktet e para me lojtarin dhe klubin e tij, për ta marë atë në “Parc de Prince”.
Por, sipas asaj që shkruan “Daily Express”, Kante ka vendosur të qëndrojë tek skuadra londineze, ku shpreson të ketë një rol të rëndësishëm nën drejtimin e Lampardit. Në këtë mënyrë ai refuzon një kalim në kryeqytetin francez, për të vazhduar karrierën e tij në Premier Ligë, aty ku u bë i njohur për të gjithë me Leisterin.
