Në “Wembley” të Londrës u luajt Superkupa e Anglisë midis fituesit të Premierligës, Manchester Cityt, dhe ekipit që u rendit në vend të dytë, Liverpoolit, shkruan Syri.net.
Koha e rregullt përfundoi në barazim 1-1, teksa me penallti fitoi Manchester City me rezultatin 5-4, duke ngritur edhe trofeun e parë për sezonin e ri.
Jurgen Klopp trajneri i “ The Reds” foli pas ndeshjes me superlativa për skuadrën e tij.
“ WOW ishte me të vërtetë një paraqitje shumë e mirë, një ndeshje e fuqishme në pjesën e dytë. Të dyja skuadrat kanë bërë një fazë përgatitore të ngjashme. Gjëja më e paktë që meritonim ishte barazimi. Një pritje e vendosi finalen dhe ne nuk mund të jemi kurrsesi të zhgënjyer. Paraqitja ishte shumë më e rëndësishme sesa një fitore.
“Ne mund të luajmë akoma futboll të mirë. Në pjesën e parë mund të ishim vendosur më mirë. Por edhe ne patëm raste gjithashtu. Në pjesën e dytë ndryshuam disa gjëra në pozicionim. E donim trofeun dhe në fund ishte pak fat. Urime Mançester Sitit”.