Sezoni i kaluar me siguri ka qenë më i mirë për Angel Di Marian në Paris.
Argjentinasi shënoi 19 gola dhe dha 17 asistime në 45 ndeshje.
Di Maria ka hyrë në sezonin e pestë me skuadrën franceze, por së fundmi ai i ka bërë një rezyme, katër sezoneve të kaluara tek Paris Saint Germain.
“Ndjej shumë krenari kur shoh ato që kam realizuar këto katër vjet. Ishte një vendim i lehtë, kur më thanë për të ardhur në Paris.
Mendoj se këto sezone kanë qenë fantastike , tregon El Fideo në faqen zyrtare të klubit .
Arrita të adaptohem me kampionatin, shpejt fillova të shënoj dhe të ndihem mirë.
Gjithçka në Paris më pëlqen shumë qyteti, klubi.
Sezoni i kaluar për mua ishte më i miri në nivel personal, u ndjeva shumë mirë në fushë dhe jashtë fushës. Shpresoj që ky vit i 5-të të jetë edhe më i mirë,” përfundoi Di Maria.
