Pas transferimit të Lukakut, Konte dëshiron edhe një tjetër sulmues në skuadër, dhe drejtuesit po punojnë t’ia plotësojnë këtë kërkesë.
Prej kohësh ziklatërit po përpiqen të transferojnë lojtarin e Romës, Edin Xheko, i cili gjithashtu pëlqehet edhe nga tekniku Konte. Mirëpo drejtuesit po hasin vështirësi për të marrë sulmuesin boshnjak, për shkak se verdhekuqtë nuk heqin dorë nga kërkesa e tyre, të cilat konsiderohen të larta nga Interi.
Sipas asaj që shkruan “Sportmediaset”, tashmë zikaltërit janë duke menduar për një objektiv tjetër. Bëhet fjalë për sulmuesin e Real Madridit, Luka Jovic, i cili thuhet se nuk e ka bindur trajnerin Zidan, me paraqitjet e tij në përgatitjet para-sezonale.
Italianët po e konsiderojnë afrimin e 21-vjeçarit, si huazim me të drejtën e blerjes një sezon më vonë. Kujtojmë se sulmuesi serb u transferua në fillim të merkatos nga madrilenët, të cilët paguan plot 60 milionë euro për ta marrë atë nga Aintraht Frankfurti.
