Sokol Cikalleshi prej 4 sezonesh luan në kampionatin turk, por mesa duket aventurës në Turqi i ka ardhur fundi.
Sipas mediave italiane, Lecce ka nisur kontaktet me sulmuesin shqiptar për transferimin e tij në klubin e sapo ngjitur në Serie A.
Deri ne janarin e sezonit të kaluar 29-vjeçari luajti i huazuar te Gëztepe nga Osmanlispori, dhe më pas kaloi në një marrëveshje të përhershme te Akhisar Beledijespori, ku ka zhvilluar 5 ndeshje dhe ka shënuar 2 gola.
Klubi italian është në kërkim të një sulmuesi dhe thuhet se drejtuesit kanë nisur kontaktet me Cikalleshin. Edhe për lojtarin kalimi në kampionatin italian do të ishte një hap i rëndësishëm në karrierë, pasi do të kishte mundësinë të luante në një nga ligat më të forta në botë.
Thuhet se për sulmuesin ka oferta edhe nga disa skuadra franceze, por ai do të preferonte kalimin në Itali.
