Një lajm i hidhur ka goditur ditën e sotme botën e futbollit, duke qenë se ish-kapiteni i Bosnje Hercegovinës, Emir Spahic, ka pësuar një aksident automobilistik në qytetin e tij.
Futbollisti po udhëtonte me makinë në Bosnje, ndërkohë që automjeti i tij është përmbysur dhe për pasojë ka thyer këmbën, brinjët dhe ka pësuar dëmtime serioze në kokë.
Fillimisht, Spahic ka marrë ndihmën e shpejtë në Trebinje duke qenë se ishte më pranë me vendngjarjen, ndërkohë që më vonë është dërguar me helikopter në Sarajevë.
Aktualisht, Spahic duket se e ka kaluar rrezikun për jetën megjithatë mbetet në gjendje të rëndë shëndetësore.
Spahic është përplasur në provincën e Gackos aty nga ku edhe ka të ëmën dhe aktualisht po jeton.
Spahic është një emër i njohur në futbollin europian pasi përveç 94 ndeshjeve me Bosnjen, ka luajtur edhe me Leverkusenin, Anzhin, Seviljan apo Montpelien e Hamburgun.
