Krzysztof Piatek e nisi ndeshjen ndaj Brescia në stol, duke qenë se Giampaolo hodhi Andre Silva titullar. Sulmuesi polak hyri në minutën 60’, por pa mundur të gjejë rrugën e rrjetës.
Një episod interesant u regjistrua në minutën e fundit të ndeshjes, 24-vjeçari goditi nga brenda zone, por portieri reagoi duke e pritur fillimisht. Topi i iku nga duar dhe pjesa më e madhe e sferës ishte brenda vijës fatale, por jo aq sa për të qenë një gol i rregullt.
Vetëm teknologjia arriti ta dallojë një episod të tillë dhe centimetrat i mohojnë golin atij.
Tifozët kanë filluar të aludojnë se ky është mallkimi i numrit 9-të tek Milan, duke qenë se Piatek golin e fundit e ka shënuar ndaj Frosinone, më 19 maj të sezonit të kaluar.
