Boksieri Gjetan Keta këtë fundjavë do të ndeshet me boshnjakun Sladan Janjanin për titullin e Botës në versionin WBU. Këtë titull dikur e kanë mbajtur boksierë të njohur si Xhorxh Foreman apo edhe Roi Xhons.
Gjeta Keta numëron në karrierën e tij 26 ndeshje. Ai ka koleksionuar 22 fitore, 18 prej të cilave me nokaud dhe 4 humbje. Ndërkohë nga ana tjetër, kundërshtari i tij nga Bosnja numëron 28 ndeshje, prej të cilave 25 fitore, ku 19 janë me nokaud dhe 3 humbje.
Dueli do të zhvillohet në 8 shtator në Dibrën e Madhe të Maqedonisë. Keta i ka zhvilluar përgatitjet e fundit në vendlindjen e tij, Bulqizë.
