Elis Bakaj vazhdon të shkëlqejë në kampionatin bjellorus me fanellën e Shakhtjor Soligorsk. Sulmuesi shqiptar gjeti rrugën e rrjetës në sfidën e ditës së sotme ndaj Energetik-BGU, teksa skuadra e tij arriti të triumfonte në tansfertë me rezultatin 1-2.
Ishte fundi i pjesës së parë, momenti kur Elis Bakaj realizoi nga pika e bardhë e penalltisë, duke i dhuruar fitoren skuadrës së tij.
Me këtë triumf, Shakhtjori u ngjit në vendin e tretë, në kuotën e 43 pikëve, 5 më pak se kryesuesit e Brest që kanë dhe një ndeshje më shumë.Kujtojmë që deri më tani, Bakaj ka realizuar 8 gola dhe 7 asiste në 16 ndeshje që ka luajtur si titullarë. Pavarësisht formës të shkëlqyer, sulmuesi tiranas, nuk bën pjesë në planet e trajnerit Reja.
