Milani gjatë merkatos verore ishte aktiv, duke bërë disa blerje të rëndësishme, por në kampin kuqezi mungoi emri i madh dhe i afirmuar.
Maldini dhe Boban punuan fort për të sjellë një emër të tillë, por nuk mundën.
Siç zbulon “Sportitalia”, James Rodriguez ishte dhurata që Maldini dëshironte t’i bënte tifozëve dhe skuadrës.
Kolumbiani ishte propozuar disa javë para fundit të merkatos dhe plani ishte që të bëhej një goditje e minutave të fundit.
Gjithçka u prish dhe nuk u bë kurrë asgjë në lidhje me këtë operacion, që do të kishte sjellë një emër të rëndësishëm te kuqezinjtë.
Tashmë Milanit i mbetet të presë merkaton e janarit, nëse do të bëjë një blerje të këtij lloj, që do shtonte entuziazmin te tifozët.
