Paulo Dybala u fol shumë gjatë merkatos se mund të largohej nga Juventusi, por asnjë nga skuadrat e interesuara nuk arriti një marrëveshje për transferimin e lojtarit.
Tottenhami ishte një nga skuadrat më të interesuara, për të marrë shërbimet e sulmuesit argjentinas.
Madje “Spursat” ishin shumë afër transferimit të Dybalës, por marrëveshja dështoi vetëm në fund dhe lojtari mbeti në Torino.
Megjithatë anglezët nuk kanë hequr dorë nga 25-vjeçari teksa do të provojnë përsëri për ta marrë atë në skuadër.
Sipas asaj që shkruan “DailyStar”, Pochettino e do me çdo kusht lojtarin në skuadrën e tij dhe drejtuesit do të bëjnë një përpjekje tjetër për lojtarin e Juventusit në janar.
Drejtuesit e Tottenhamit janë të gatshëm të ofrojnë rreth 72 milionë euro për argjentinasin, ku shpresojnë të arrijnë një marrëveshje me “Zonjën e Vjetër”, për ta marrë lojtarin në Premier Ligë.
