Kosova arriti të triumfonte ndaj Çekisë me përmbysje në takimin e vlefshmë për Grupin A të eliminatoreve të Europianit falë golave të Muriqit dhe Vojvodës. Kjo fitore i ngjiti “dardanët” në vendin e parë, teksa kualifikimi në Europian duket shumë pranë. Ndërkohë kjo fitore madhështore e djemve të Bernard Shaland, duket se i ka “djegur” serbëve.
“I ashtuquajturi ekip i Kosovës ka mundur Çekinë me rezultat 2:1, duke vazhduar kështu ecurinë e jashtëzakonshme pa humbje”, shkruan në serbisht portali “B92”.
Edhe më larg shkon Telegrafi serb duke shkruar: “Çekia pranon gol amator”. Teksa në vazhdim të artikullit, Kosovës i referohet si “e ashtuquajtur”.
