Këngëtarja me famë botërore Rita Ora, nuk e harron asnjëherë prejardhjen e saj teksa gjithmonë kur i jepet mundësia ajo flet mirë për vendin e saj.
Nuk mund të mungonte as sot, kur kombëtarja e Kosovës do të ketë një ndeshje shumë të vështirë dhe të rëndësishme kundër Anglisë. Nëpërmjet një “story”, në rrjetin social “Instagram”, Rita Ora ka postuar një foto ku shihen ushtarët e Britanisë së Madhe, teksa janë duke luajtur futboll me fëmijë kosovarë.
Foton e postuar, këngëtarja e shoqëron me një mbishkrim, ku uron Kosovën për ndeshjen e ditës së sotme, ku shkruan: “ Paçi fat!!!”
Ndeshja e sotme është me shumë interes nga të gjithë, pasi në rast se Kosova do të dilte me pikë nga sfidë, do të vazhdonte ecurinë pa humbje dhe do të hidhte një hap të rëndësishëm për kualifikimin në Euro2020.
