Lionel Messi ka hedhur në treg firmën e tij më të re të veshjeve të quajtur thjesht “Messi”.
Sulmuesi argjentinas ishte i pranishëm në mbrëmjen e zhvilluar për promovimin e kësaj marke të re të financuar nga ai, të krijuar dhe ideuar nga e gjithë familja e tij.
Motra e tij, Maria Sol, ka punuar bashkë me futbollistin në këtë projekt, ndërsa vëllai i tij, Rodrigo, ishte i pranishëm në eventin e zhvilluar për këtë markë të re veshjesh.
Dyqani i parë është hapur në Barcelonë dhe është vetëm për meshkuj, ku të pranishëm ishin shumë tifozë katalanas, që morën nga një veshje me firmën e yllit argjentinas.
