Opinioni sportiv në qytetin e Gjirokastrës është gdhirë sot me një lajm të zi. Ish-mesfushori i Luftëtarit në vitet 2000-2013, Bashkim Gaxhaj, ka ndërruar jetë në moshën 37-vjeçare.
“Panorama Sport” mëson se Gaxhaj vuante nga një sëmundje e rëndë prej pak kohësh, ndërsa sot është ndarë nga jeta. Një lajm shumë i hidhur që ka prekur të gjithë opionionin në Gjirokastër.
Nga ish-kapiteni i Luftëtarit, Arlind Nora dhe të tjerë bashkëlojtarë ndër vite me Gaxhajn kanë postuat në rrjetet sociale mesazhe ngushëllimi për këtë largim të parakohshëm nga jeta. Për herë të fundit pjesë e Luftëtarit, Gaxhaj ka qenë në vitin 2013, kur bluzinjtë drejtoheshin nga Nevil Dede në Kategorinë Superiore.
/PANORAMASPORT.AL/
