Xherdan Shaqiri ka pësuar një dëmtim tjetër. Futbollisti me prejardhje nga Kosova nuk do të jetë në dispozicion të trajnerit Jurgen Klopp për ndeshjen e së mërkurës kundër MK Dons në “Carabao Cup”.
Lajmi për dëmtimin e Shaqirit është konfirmuar nga faqja zyrtare e Liverpoolit.
“Anësori 27-vjeçar, ka pësuar një lëndim në muskul, por nuk dihet se sa do të mbetet jashtë fushave”, shkruhet në njoftimin e klubit të Liverpoolit.
Ai këtë edicion me fanellën e Liverpoolit ka luajtur vetëm 11 minuta në 6 ndeshjet që kanë zhvilluar kampionët e Europës.
Minutat e pakta në dispozicion, kanë bërë që Shaqiri të jetë pjesë e zërave për një largim nga Liverpooli.
