Rafael Nadal duhet të rikthehet në fushat e tenisit në fund të muajit në turneun e Acapulcos në Meksikë, që nis më 26 shkurt. 31-vjeçari, i dëmtuar në kofshë gjatë çerekfinales së Australian Open kundër kroatit Marin Cilic, zbuloi se planifikon të rikthehet në funds të muajit.
“Po punoj shumë për të shkurtuar kohën që më duhet për t’u riaftësuar. Kam ndërmend të marrë pjesën në turneun e Meksikës, pra dua të luaj në Acapulco.”
Mbi mundësinë për të reduktuar numrin e turneve ku do të marrë pjesë gjatë këtij viti, numri 1 në botë shtoi se ka ndërmend të luajë atje ku ndihet mirë.
