Interi vazhdon me formën fantastike në kampionat. Zikaltrit arritën fitoren e gjashtë në gjashtë ndeshje, teksa mundën në transfertë 1-3 Sampdorian.
Që në pjesën e parë, ekipi i Kontes thuajse vulosi gjithçka, me dy gola të shpejtë. Në minutën e 20-të, Stefano Sensi shënoi një tjetër gol fantastik në kampionat, teksa me një të djathtë nga jashtë zone, nuk i la asnjë mundësi portierit kundërshtar.
Vetëm dy minuta më vonë, ishte Aleksis Sançez që shënoi golin e parë me fanellën e Interit. Kiliani u nxor vetëm me portierin nga asisti i Sensit, dhe aty nuk e kishte të vështirë të shënonte golin e dytë.
Pjesa e dytë nisi me vështirësi për zikaltrit, pasi ai mori kartonin e dytë të verdhë për simulim, që në minutën e 46-të, dhe la të tijtë me një lojtar më pak. Jankto në të 55-tën, ngushtoi shifrat për Sampdorian, me një goditje të bukur e të fortë nga brenda zone.
Gjithsesi, pas vetëm gjashtë minutash, ishte Galjardini që shënoi edhe të tretin, duke hipotekuar fitoren për ekipin e tij. Tashmë, Interi kryeson sërish vetëm Serinë A, me 18 pikë të plota, dhe në takimin e radhës pret Juventusin.
