Ditën e nesërme luhet derbi i madh i kryeqytetit, dhe atmosfera sa vjen e ndizet akoma më shumë pak orë para ndeshjes.
Një “shkëndijë” më shumë, e ndez edhe fotografi i klubit të Partizanit, Gjergji Kollumbi. Në një postim në profilin e tij në “Facebook”, ai ka publikuar një foto nga derbi i 4 majit të 2016-ës, përfunduar në barazim 2-2.
Në atë derbi, bardheblutë po fitonin, deri në minutat shtesë të takimit, ku Realdo Fili shënoi golin e dytë të takimit, duke mposhtur Edvan Bakajn, e duke barazuar takimin për të kuqtë. “Ehhh ça kujtimesh… Historia vazhdon” – shkruan fotografi i Partizanit, në foton e postuar.