Mesfushori danez i Totenhemit, Kristian Eriksen ka qenë një ndër emrat më të nxehtë të merkatos së verës.
Junajtid, Inter, Juventus dhe Real, kanë qenë skuadrat që kanë dashur t’ia rrëmbejnë Totenhemit, lojtarin gjatë verës që lamë pas.
Eriksenit i skadon kontrata në qershor të vitit tjetër dhe Juventusi me Interin, tentojnë të bëjnë një goditje me parametra zero verën e 2020-ës.
Por, siç raporton “Daily Star”, danezi ka vendosur dhe dëshiron, që t’i bashkohet Mançester Junajtid, duke mos ndryshuar kampionat, por vetëm qytet.
Mbetet të shihet nëse do të plotësohet dëshira e mesfushorit, apo do të ketë lëvizje tjetër.
